Velkomen

I ledige stonde, kva skal eg gjere,
I ledige stonde, eg kan'kje la vere
å tenkje på det eg skulle ha gjort,
I ledige stonde, - det vert ikkje stort...

torsdag 5. november 2009

Eit sjeldant syn



Tyssefossen 13. september 2009


Tyssefossen, når eg ser deg slik
med dine kvite slør, du er unik
slik har du synt deg fram i alle år
og med din velde pryda bygda vår.
Ja, det er ikkje så ofte vi får sjå den flotte fossen slik som dette. Men det hender, og då gjeld det å nyte det. Etter som eg har vakse opp i nærleiken av denne fossen, så er det slik eg hugsar den. Då Tyssevatnet vart regulert, vart det brått slutt på denne naturperla. Ja, når den mektige fosseduren vart borte, hugsar eg at det vart vanskeleg å få sove ! Og ofte gjekk turen inn til fossefoten der ein kunne få dusje i spruten frå dei brølande vassmengdene.
Men akk, elektrisk kraft har vi gjort oss avhengig av, og dermed ofra vi denne perla. Men vi får trøste oss med det at av dette vert det vel rein energi...

tirsdag 15. september 2009

Haust


Høgt heng dei, og søte er dei (Ja, plommene altså..)


Ja, då er sommaren over og hausten er her. Men hausten er ei fin tid på mange måtar. Ein kan hauste av naturens rikdom i hagar, i skogen og på fjellet. Nyte den friske og klare lufta, og fargane i fjellet. Ei herleg tid for gode fjellturar.
Og ikkje å forgløyme fårikålen ! Jau, hausten er ikkje så verst.

torsdag 3. september 2009

På 'an igjen


Då er det vel på tide å blogge litt att, lenge sidan sist no. Men det har vel ikkje vore så mange ledige stonde gjenom sommaren...
Men no har vi hausten her så då må det vel verta ei og anna ledige stond.
Alt det jordiske arbeidet er no unnagjort, det står berre att å plukke epla av trea. Kanskje eg skal prøve å legge eplevin ?
Slåttonna gjekk greit i år også. John Inge overtok ein del av forhaustinga heldigvis. Ein vert stiv i nakken og "vesen i hauda" etter nokre timar med traktor og forhaustar.
Ferietur har det vorte og. Heile familien nordover i bobil. Det var fint å sjå Helgelandskysten i godver.
Men det vart lite med spektakulære fjellturar. Kanskje til neste sommar ?

lørdag 21. mars 2009

Killebukken, ser du geita ?

Ein staseleg kar, som ventar på våren.

lørdag 14. mars 2009

Øsestellj !


Kan dette gå bra då ?

Kva er det han prøva på ?

Veit han ikkje at det er lett å bryta gamle bein ?

Kanskje han prøva på å gjere formastelse.

Anj veikkje ta før anj ålkestøyte !

Nei, det må vere bere øsestellj !

onsdag 11. mars 2009

Titt tei...


"Titt tei ! Eg tykte det byrja å verta så ljost der oppe at eg måtte berre opp for å sjå. Og dette ser bra ut ! Men kven er eg ? Vent å sjå. Eg har mykje energi som eg skal få fram etter kvart"

mandag 2. mars 2009

Første vårmånaden




Sjølv om mars kan by på mykje vinter, er det likevel første vårmånaden. Det er godt å tenkje på, våren er ei fin tid.

Men mars er og kattemånaden !

VÅRJAMMERDØGER.
Når sola har snudd og det går mot vår
ja, då er det mange kjensler som rår
Du har vel opplevd å ligge vaken om natta
av remjande, nærast vetlause katta
Men hugs der du byks ut, i berre trusa
dette må til skal det verte fleire pusa...